NENA PIJA ESTÚPIDA

Onte sentinme verdadeiramente estúpida, o que se coñece como "nena pija estúpida estou a romper unha unlla merda jopelines". Si! todo iso xunto e dito de moi rapidamente para que soe aínda máis grave.

O caso é que caeu o espello retrovisor do meu coche, o de dentro. Chovía, chovía a mares cando aconteceu iso, e os exteriores non me garantirían unha conducción óptima ata Pontevedra. Así que baixei do coche. Estaba en Milladoiro, ás afóras de Compostela, onde hai moitas fábricas de cousas varias... Varias como unha tenda de textil, reparadores de non sei que e... unha fábrica de azulexos... Aló me dirixín, cara de santiña, de non romper unllas nin ren... sorriso de boa persoa.. e palabras saídas da estupidez da situación.

Cara de boa rapaza dixo que lle caera e que se alguén a podía axudar... así, cara de boa rapaza seguiu primerio a un rapaz e despois a outro que lle pegou "á perfección" o espelliño, para que cara de boa rapaza puidese facer ben as cousas... Depois viu como aquel rapaz fixaba o devandito espello ao cristal cunha cinta. Cara de boa rapaza ben parviña que é , ou sexa , eu..

Estaba a ver como aquel empregado da fábrica facía algo tan simple como pegar o espello mentres que a miña inutilidade momentánea impedíame ata suxeitalo contra o cristal...

Eu, é dicir, cara de boa persoa, contemplei todo coma se dun filme onde "nena pija estúpida estou a romper unha unlla merda jopelines", e marchei...

Non sei se a experincia me serviría para máis que darme de conta do tontiña que podo ser.. pero dende logo volvín a redactar neste pequeno espazo...

Esperoa que esta volta sexa definitiva, senón, sempre terei o método analóxico, pegar e cortar fotiños... (pegar.... quen o diría!!!!)