A subasta

O corpo voltara estremecer. É incrible que baixo esta aparenza de seguridade que me din ás veces, sexa en realidade un fervello por dentro.
Estabamos sentados coma reses de gando. Ou peor, coma escravos dispostos a mostrar a nosa valía por entrar en calquera, calquera medio. A nosa valía parece ser que se mide pola nota media acadada durante os anos na facultade, ¡que mágoa! Resulta que somos uns con oitentas e noves, dous coma pouco... ese o noso valor. O peor de todo é que hai xente que parece non ter acadas as décimas suficientes para seren dos elixidos, e no canto de facilitar prácticas para ofrecer aprendizaxe a todos e todas, fanse probas nas que os escollidos, nunha gran porcentaxe son xente con experiencia.
Eu non podo queixarme, que xa son parte de Europa Press, mais calarse cando se ven este tipo de inxustizas porque non me influen sería converterme nunha cómplice máis. Que nos contraten para traballar e non para aprender paréceme ben, ¡pero que non nos mintan!